ინტელის ტრენინგი

დღევანდელი  ტრენინგის ფარგლებში შევქმენით პრეზენტაციის შაბლონი, რომელიც მოსწავლეებს გაუადვილებთ  საპრეზენტაციო საკითხების თემატურად გამართვასა და ლაკონიურად  აზრის ჩამოყალიბებაში. გარდა ამისა, შევავსეთ სასწავლო პროექტის გეგმა-შაბლონი; განვსაზღვრეთ დამატებითი სასწავლო პროცედურები; გავეცანით ბლოგზე მუშაობისათვის საინტერესო პროცედურებს: ვისწავლეთ გაჯეტების დამატება და პრაქტიკულად განვახორციელეთ აქტივობა.

დღევანდელი ტრენინგის განმავლობაში დავასრულეთ მოსწავლის სლაიდშოუს ნიმუში. გავეცანით  სლაიდშოუზე მუშაობის პრინციპებს და პრაქტიკულად განვახორციელეთ თითოეული აქტივობა. სლაიდშოუ გამოვაქვეყნეთ ბლოგზე.  გარდა ამისა, შევქმენით  ეროვნული სასწავლო გეგმის მიზნით გათვალისწინებული პროექტის შეფასების რუბრიკა.

ტრენინგის მეხუთე დღე ნაყოფიერი აღმოჩნდა იმ თვალსაზრისით, რომ გავეცანით  საავტორო უფლებების დაცვა/ გათვალისწინებისათვის აუცილებელ  ინფორმაციას. შევისწავლეთ გამოყენებული და დამოწმებული  ლიტერატურის, ფოტოების, აუდიო და ვიდეომასალის  დამოწმების საშუალებები და პრაქტიკულად განვახორციელეთ აქტივობები. გარდა ამისა, შევქმენით  პროექტის ფარგლებში მოსწავლეების მიერ წარმოსადგენი სლაიდშოუს ნიმუში.

მეოთხე დღის  ტრენინგი ნაყოფიერი აღმოჩნდა იმ თვალსაზრისით, რომ შევიმუშავეთ პროექტის შფასების  სტრატეგიები, განვსაზღვრეთ მეთოდები და შესაბამისი ინსტრუმენტები. დეტალურად აღვწერეთ  დაგეგმილი აქტივობები. გარდა ამისა, შევქმენით რამდენიმე რესურსი ( მიზნობრივი სქემები), რომლებიც მასწავლებელს დაეხმარება  მის მიერ დაგეგმილი მიზნების  განხორციელებაში.

ვფიქრობ, რომ დღევანდელი  ტერნინგი იყო ნაყოფიერი იმის გათვალისწინებითი, რომ გავეცანით თეორიულ ინფორმაციას  და პრაქტიკულად  განვახორციელეთ  პროექტზე  მუშაობისათვის მნიშვნელოვანი საკითხები, კერძოდ : განვსაზღვრეთ პროექტის სტანდარტთან შესაბამისობა, სასწავლო მიზნები და პროექტის  მიზნის გათვალისწინებით შედეგზე ორიენტირებული კითხვები შევიმუშავეთ. გარდა ამისა, კონკრეტულად დავეუფლეთ ინფორმაციის  მეილსა და ბლოგზე ატვირთვა/შენახვისათვის საჭირო უნარებს.

ბუკლეტის სანახავად გადადით ბმულზე 

ვფიქრობ, რომ  ორი დღის განმავლობაში განვლილი საკითხები  დამეხმარება  პროექტებით სწავლების მნიშვნელობის გამოკვეთაში. საინტერესო აღმოჩნდა პროექტზე მუშაობის დაწყებისას პირველივე ეტაპზე  განსახორციელებელი აქტივობები: სამიზნე აუდიტორიის ინფორმირებისთვის  ბუკლეტებისა და გაზეთების შექმნა.